ईदच्या मुहूर्तावर दरवर्षीप्रमाणेच यंदाही सलमान ‘रेस ३’च्या निमित्ताने चाहत्यांच्या भेटीला आला. या चित्रपटाला समीक्षकांचा फारसा चांगला प्रतिसाद मिळाला नाही. असं असलं तरीही सलमानच्या चाहत्यांनी मात्र चित्रपटगृहांमध्ये गर्दी केल्याचं पाहायला मिळालं. ज्याच्या बळावर २०१८ मध्ये प्रदर्शित झालेल्या चित्रपटाच्या यादीत अग्रस्थानी बाजी मारली. चित्रपटाची ही घोडदौड सुरु असतानाच आता सोशल मीडियावर तो लीक झाल्यामुळे चाहत्यांमध्ये प्रचंड नाराजी पाहायला मिळत आहे.
