Singham 3 : बॉलिवूड अभिनेता अजय देवगण 'सिंघम अगेन'मुळे चर्चेत आहे. या चित्रपटात अभिनेता पुन्हा एकदा बाजीराव सिंघमच्या भूमिकेत दिसणार आहे. चित्रपट निर्माता रोहित शेट्टी त्याच्या लोकप्रिय फ्रँचायझी चित्रपट 'सिंघम 3' मधून हळूहळू स्टार्सचे लूक उघड करत आहे. या चित्रपटातील करीना कपूरचा लूक काही दिवसांपूर्वी समोर आला होता. त्याच वेळी, आज निर्मात्यांनी अजय देवगणचे एक दमदार पोस्टर रिलीज केले आहे.
सिंघम अगेन'च्या पोस्टर मध्ये अभिनेता सिंहासारखा गर्जना करताना दिसला. रोहित शेट्टीने अधिकृत सोशल मीडिया हँडलवर 'सिंघम अगेन'चे अजय देवगणचे पोस्टर शेअर केले आहे. या नवीन पोस्टरमध्ये अभिनेता सिंहासारखा गर्जना करताना दिसत आहे. पोस्टरच्या पार्श्वभूमीत अजय देवगणसोबत सिंहाचा फोटोही दिसत आहे. पोस्टर शेअर करताना रोहित शेट्टीने कॅप्शनमध्ये लिहिले की, 'सिंह दहशत निर्माण करतो आणि जखमी सिंह विनाश घडवतो. सर्वांचा लाडका पोलिस बाजीराव सिंघम परत आला आहे.
सिंघम अगेन' हा रोहित शेट्टीच्या कॉप युनिव्हर्सचा चित्रपट आहे. 'सिंघम' फ्रँचायझीमधला हा तिसरा चित्रपट आहे, ज्यामध्ये रणवीर सिंग आणि दीपिका पदुकोण यांच्याही भूमिका आहेत. 'सिम्बा', 'सिंघम', 'सिंघम 2' आणि 'सूर्यवंशी' हे रोहित शेट्टीच्या कॉप युनिव्हर्सचा भाग आहेत. 'सिंघम अगेन'मध्ये सिंबा म्हणजेच रणवीर सिंग आणि वीर सूर्यवंशी म्हणजेच अक्षय कुमार सिंघम अजय देवगणसोबत लढताना दिसणार आहेत.
सिंघम अगेन' रिलायन्स एंटरटेनमेंट, अजय देवगण आणि रोहित शेट्टी यांनी संयुक्तपणे निर्मित केला आहे. हा चित्रपट 2024 मध्ये स्वातंत्र्यदिनाच्या मुहूर्तावर प्रदर्शित होणार आहे. या चित्रपटाची टक्कर अल्लू अर्जुनच्या 'पुष्पा-2'शी होणार आहे
