इराणच्या केरमन शहरात बुधवारी झालेल्या दोन बॉम्बस्फोटांशी संबंधित एक व्हिडिओ सोशल मीडियावर व्हायरल होत आहे. या व्हिडीओमध्ये एक बस वळत असताना अचानक तिच्याजवळ स्फोट झाल्याचे दिसत आहे. स्फोट इतका जोरदार होता की बसच्या आजूबाजूला फक्त धुळीचे ढग दिसत होते.
कासिम सुलेमानी यांच्या मृत्यूच्या चौथ्या पुण्यतिथीनिमित्त त्यांच्या कबरीजवळ लोक जमले तेव्हा हा स्फोट झाला. हा हल्ला 1978 मध्ये झालेल्या इस्लामिक क्रांतीनंतर इराणमधील सर्वात प्राणघातक दहशतवादी हल्ला मानला जातो. केरमन शहर राजधानी तेहरानपासून 820 किलोमीटर आग्नेयेला आहे.
इराणचे गृहमंत्री अहमद वाहिदी यांनी सरकारी टेलिव्हिजनला सांगितले की, पहिला स्फोट दुपारी 3 च्या सुमारास झाला, तर दुसरा स्फोट पहिल्या स्फोटानंतर सुमारे 20 मिनिटांनी झाला. दुसऱ्या स्फोटात सर्वाधिक लोकांचा मृत्यू झाल्याचे त्यांनी सांगितले.
या हल्ल्याचा एक व्हिडिओ ऑनलाइन समोर आला आहे. त्यात बॉम्बस्फोट झाल्याचे दृश्य दाखवण्यात आले आहे. हा व्हिडिओ एका वर्दळीच्या रस्त्याचा आहे, जिथे बस हळू हळू वळते आहे. मग जवळच एक मोठा स्फोट होतो, तो परिसर धूळ आणि धुराने भरतो.
या हल्ल्याची जबाबदारी स्वीकारत इस्लामिक स्टेट या गटाने हा स्फोट दोन आत्मघातकी हल्लेखोरांनी घडवून आणल्याचे सांगितले. IS ने म्हटले आहे की दक्षिण इराणमधील केरमन शहरात बुधवारी त्यांचा मारला गेलेला नेता कासिम सुलेमानी यांच्या कबरीजवळ बहुदेववादी शिया लोकांचा मोठा मेळावा जमला होता. हल्लेखोरांनी त्यांच्या स्फोटक पट्ट्यांचा जमावामध्ये स्फोट केला, 91 हून अधिक बहुदेववादी शिया मारले आणि जखमी झाले. मंत्रालयानुसार, हल्ल्याच्या संदर्भात इराणच्या सहा प्रांतांमध्ये किमान 11 संशयितांना ताब्यात घेण्यात आले आहे.
