नेपाळमध्ये आता भारतीय चलनातल्या 200, 500 व 2000 रुपयांच्या नोटा चालणार नसल्याची घोषणा नेपाळ सरकारने केली आहे. आता भारतीय चलनातील 100 रुपयांपर्यंतचीच नोट नेपाळमध्ये चालणार आहे. त्यामुळे नेपाळ सरकारने भारतीय चलनातील 200, 500 व 2000 रुपयांच्या नोटांचा वापर व्यवहारात न करण्याचे नागरिकांना आवाहन केले आहे. नेपाळ सरकारचे प्रवक्ते गोकुल प्रसाद बास्कोटा यांनी याबाबतची माहिती गुरुवारी दिली. दरम्यान भारत सरकारच्या आग्रहास्तव नेपाळने हे निर्बंध लावले असल्याचे सांगण्यात येत आहे.
