आशिया कपमध्ये भारताचा दुसरा सामना नेपाळशी होता. भारत आणि नेपाळ यांच्यातील हा पहिला आंतरराष्ट्रीय क्रिकेट सामना होता. नेपाळला हरवून भारतीय संघ सुपर फोरमध्ये पोहोचला आहे. भारताने नाणेफेक जिंकून प्रथम गोलंदाजी करण्याचा निर्णय घेतला. नेपाळने प्रथम फलंदाजी करताना 230 धावा केल्या. मात्र, पावसामुळे भारताला डकवर्थ लुईस पद्धतीनुसार 23 षटकांत 145 धावांचे लक्ष्य मिळाले. टीम इंडियाने 20.1 षटकात एकही विकेट न गमावता हे लक्ष्य गाठले.
आशिया चषक 2023 च्या दुसऱ्या सामन्यात भारताने नेपाळचा 10 गडी राखून पराभव केला. श्रीलंकेतील पल्लेकेले स्टेडियमवर पावसाने व्यत्यय आणलेला सामना खेळला गेला. भारतीय कर्णधार रोहित शर्माने नाणेफेक जिंकून प्रथम गोलंदाजी करण्याचा निर्णय घेतला. नेपाळने प्रथम फलंदाजी करताना 48.2 षटकात 230 धावा केल्या होत्या. यानंतर पावसामुळे बराच वेळ खेळ थांबला होता.
डकवर्थ लुईस नियमानुसार टीम इंडियाला 23 षटकात 145 धावांचे लक्ष्य मिळाले. प्रत्युत्तरात भारताने 20.1 षटकांत 10 गडी राखून विजय मिळवला. कर्णधार रोहित शर्मा ७४ धावा करून नाबाद राहिला आणि शुभमन गिलने ६७ धावा केल्या. या विजयासह टीम इंडिया सुपर फोरमध्ये पोहोचली आहे.
गट-अ मधून पाकिस्तानने पहिले स्थान पटकावले आणि दुसरे स्थान मिळवून भारत सुपर फोरसाठी पात्र ठरला. ब गटात श्रीलंका, बांगलादेश आणि अफगाणिस्तान हे संघ सुपर फोरमध्ये पोहोचण्यासाठी अजूनही खुले आहेत. सुपर फोर फेरी 6 सप्टेंबरपासून सुरू होणार आहे. 10 सप्टेंबरला भारत आणि पाकिस्तान पुन्हा एकदा भिडणार आहेत. हा सामना कोलंबोतील आर प्रेमदासा स्टेडियमवर खेळवला जाईल.
रोहित शर्मानंतर शुभमन गिलनेही अर्धशतक झळकावले. त्याने 47 चेंडूत आपल्या एकदिवसीय कारकिर्दीतील सातवे अर्धशतक झळकावले.
