प्रथमच होणाऱ्या महाराष्ट्र प्रीमियर लीगमध्ये आयकॉन क्रिकेटर्समध्ये सलामीवीर स्मृती मंधाना हिचा समावेश करण्यात आला आहे. महाराष्ट्र क्रिकेट असोसिएशन (MCA) ने अधिकृतपणे या फ्रँचायझी-आधारित T-20 स्पर्धेची घोषणा केली ज्यामध्ये चार संघ सहभागी होतील. ही लीग बीसीसीआयच्या सहकार्याने आयोजित केली जाणार आहे.
एमसीएने सांगितले की, 'महिलांसाठी राज्य लीग सुरू करणारी एमसीए ही बीसीसीआयची पहिली संघटना असेल.' 24 जूनपासून गहुंजे येथील महाराष्ट्र क्रिकेट असोसिएशन स्टेडियमवर ही स्पर्धा होणार आहे. स्मृती व्यतिरिक्त देविका वैद्य, अनुजा पाटील, किरण नवगिरे आणि श्रद्धा पोखरकर यांना स्पर्धेतील आयकॉन क्रिकेटर्समध्ये स्थान मिळाले आहे.
पहिल्या सत्रातील विजेत्या संघाला 20 लाख रुपये तर उपविजेत्या संघाला 10 लाख रुपये देण्यात येणार आहेत. संघांचा लिलाव 27 एप्रिल रोजी होणार आहे तर खेळाडूंचा लिलाव 11 मे रोजी होणार आहे.
