आगामी T20 विश्वचषक 2024 साठी न्यूझीलंडने आपला 15 सदस्यीय संघ जाहीर केला आहे. अनुभवी केन विल्यमसनला संघाचे कर्णधारपद देण्यात आले आहे, तर अंगठ्याच्या दुखापतीमुळे सध्या सुरू असलेल्या आयपीएल 2024 मधून बाहेर पडलेला डेव्हॉन कॉनवे संघात परतला आहे. विल्यमसनचा खेळाडू म्हणून हा सहावा टी20 विश्वचषक आणि कर्णधार म्हणून चौथी टी20 विश्वचषक स्पर्धा आहे. न्यूझीलंडचे मुख्य प्रशिक्षक गॅरी स्टेड यांनी सांगितले की, जूनच्या पहिल्या आठवड्यात सुरू होणाऱ्या टी-20 स्पर्धेदरम्यान संघांमधील विविध परिस्थिती लक्षात घेऊन संघाची निवड करण्यात आली आहे.
गॅरी स्टेड म्हणाले मला सर्व निवडक खेळाडूंचे अभिनंदन करायचे आहे. हे ते खास खेळाडू आहेत जे विश्वचषक स्पर्धेत आपल्या देशाचे प्रतिनिधित्व करताना दिसणार आहेत. वेस्ट इंडिजमधील परिस्थिती खूपच वेगळी आणि आव्हानात्मक असेल अशी आमची अपेक्षा आहे. त्या परिस्थितीनुसार आम्ही आमचा संघ निवडला आहे.
न्यूझीलंडच्या T20 विश्वचषक संघ
केन विल्यमसन (कर्णधार), फिन ऍलन, ट्रेंट बोल्ट, मायकेल ब्रेसवेल, मार्क चॅपमन, डेव्हन कॉनवे, लॉकी फर्ग्युसन, मॅट हेन्री, डॅरिल मिशेल, जिमी नीशम, ग्लेन फिलिप्स, रचिन रवींद्र, मिचेल सँटनर, इश न्हा. , टिम साउथी.
1जूनपासून टी-20विश्वचषक सुरू होत आहे. 2024 च्या T20 विश्वचषकासाठी संघ जाहीर करणारा न्यूझीलंड हा पहिला देश आहे. आयसीसीने सर्व संघांसाठी संभाव्य 15 ची घोषणा करण्याची अंतिम तारीख 1 मे पर्यंत ठेवली आहे. येत्या काही दिवसांत अनेक देश त्यांच्या संघांची घोषणा करू शकतात. भारतीय संघाची घोषणा 1 मे रोजी होण्याची शक्यता आहे.
