Select Your Language

Notifications

webdunia
webdunia
webdunia
webdunia

आधुनिक मूर्खलक्षणे

आधुनिक मूर्खलक्षणे
, गुरूवार, 6 सप्टेंबर 2018 (12:52 IST)
चालत्या वाहनावरी 
हेडफोन कानी धरी 
गाणी ऐकत जाय घरी 
तो एक मूर्ख ||
 
रुग्णालयी वा सभागारी 
सूचना असली तरी 
मोबाईल बंद न करी
तो एक मूर्ख ||
 
कामधंदा कधी ना करी 
अभ्यास व्यायाम ना करी 
रात्रंदिन फोन ज्याचे करी
तो एक मूर्ख ||
 
जिथे तिथे सेल्फी काढतो 
श्र्लील अश्लील भेद न करतो 
आलेला संदेश ढकलतो 
तो एक मूर्ख ||
 
घरुन जाता बाजारी 
कापडी थैली ठेवी घरी 
पॉलिथिनची हाव धरी 
तो एक मूर्ख ||
 
जाता स्वरुचीभोजनी
अन्न घेई भरभरोनी
थोडे खाऊन देई टाकोनी
तो एक मूर्ख ||
 
वाहतूकीचे नियम न पाळणे 
रस्त्यावरी कचरा टाकणे 
ऐसी ज्याची अवलक्षणे 
तो एक मूर्ख ||
 
दिली वेळ न पाळतो 
लोकांचा खोळंबा करतो 
खंतखेदही ना मानतो 
तो एक मूर्ख ||
 
ऐसी मूर्खलक्षणे असती
जी समर्थ समयी नसती
विनायके वर्णिली असती 
त्यागार्थ यथामती ||

Share this Story:

Follow Webdunia marathi

पुढील लेख

'ट्रिपल एक्स रिटर्न्स'मध्ये झळकणार बॉलिवूडची मस्तानी