Select Your Language

Notifications

webdunia
webdunia
webdunia
webdunia

श्रावणातील भाज्या : करटुलं (कंटोल)

श्रावणातील भाज्या : करटुलं (कंटोल)
साहित्य : आठ ते दहा हिरवी कोवळी करटुलं (साधारण पाव किलो), अर्धी वाटी ओले खोबरे, एक वाटी बारीक चिरलेला कांदा, फोडणीकरता हिंग व मोहरी, मीठ, हळद, दोन-तीन चिरलेल्या मिरच्या, थोडंसं लाल तिखट, दोन टेबल स्पून तेल.

कृती : प्रथम करटुलांचे अर्धे भाग करून त्यातील गर काढून टाकावा. नंतर बटाटय़ाचे काप केल्याप्रमाणे करटुलं चिरून घ्यावीत व थोडंसं मिठ लावून धुवून घ्यावीत. पॅनमध्ये तेल गरम करुन हिंग, मोहरी, थोडेसे जीरे टाकून फोडणी घालावी, त्यात चिरून घेतलेल्या हिरव्या मिरच्याही टाकाव्यात. नंतर त्यात कांदा, मिठ, थोडेसे लाल तिखट व हळद घालून चांगले परतावे. चिरलेली करटुलं त्यात घालून पुन्हा परतावीत. झाकण ठेवून चांगली वाफ येऊ द्यावी. नंतर झाकण काढून मंद गॅसवर तीन ते चार मिनिटे भाजी पाणी न घालता परतावी. वरून ओले खोबरे व चवीपुरती साखर घालावी.

Share this Story:

Follow Webdunia marathi

पुढील लेख

अचानक वजन घटते?