बीडच्या गेवराई बस स्थानकात एका एसटी बस चालकाला महिलेची छेड काढणे चांगले अंगाशी आले आहे. एका प्रवाश्याने बस चालकाला चांगलेच चोपले आहे. या घटनेचा व्हिडीओ सोशल मीडियावर व्हायरल झाला आहे. या मारहाणीत बस चालक जखमी झाला असून त्याला रुग्णालयात उपचारासाठी दाखल करण्यात आले आहे. योगेश अर्जुन लव्हाळे असे या बस चालकाचे नाव आहे.
मिळालेल्या माहितीनुसार, बीडच्या गेवराई आगारातून पुण्याला जाणाऱ्या बस मध्ये एक महिला आपल्या सासऱ्या आणि दिरासह चढली. त्यावेळी तिचे सामान बसच्या केबिन मध्ये ठेवण्याच्या बहाण्याने बस चालकाने तिची छेड काढली. तिने संतापून चालकाला शिवीगाळ देण्यास सुरुवात केली. त्यांचे भांडण सुरु झाले.
तिचा आरडाओरड ऐकून तिच्या दिराने बसचालकाला चांगले चोपले. या मध्ये बस चालक जखमी झाला आहे. त्याला रुग्णालयात दाखल करण्यात आले आहे. मात्र त्याने मी महिलेची छेड काढली नाही. माझ्यावर खोटा आरोप केला जात असल्याचे बस चालकाने सांगितले.
