लोकप्रिय, सुंदर आणि टॅलेंटेड बॉलिवूड अभिनेत्री दीपिका पदुकोण लवकरच पडद्यावर मोठ्या धमाकेदारपणे दिसणार आहे. या अभिनेत्रीने याआधीही तिचे अभिनय कौशल्य चाहत्यांना दाखवून दिले आहे. आता तिला पुन्हा एकदा तिच्या चाहत्यांची मने जिंकण्यासाठी कोणतीही कसर सोडायची नाही.
रोहित शेट्टीच्या 'सिघम अगेन' या चित्रपटासाठी अभिनेत्रीने स्वत:ला पूर्णपणे तयार केले आहे. सध्या ती चित्रपटाच्या शूटिंगमध्ये व्यस्त आहे, तीही तिच्या गर्भधारणेच्या काळात. आता अलीकडेच, चित्रपट निर्मात्यांनी केवळ तिच्या जबरदस्त लुकचे अनावरण केले नाही तर चाहत्यांना चित्रपटात दिसणारी तिची शैली आणि वृत्तीची झलकही दाखवली आहे. दीपिका पदुकोणची ही स्टाईल सोशल मीडियावर येताच व्हायरल झाली असून लोक तिची प्रशंसा करत आहे.
अलीकडेच दीपिका पदुकोणचे अनेक फोटो सोशल मीडियावर व्हायरल झाले होते, ज्यामध्ये ती खाकी पोलिसांच्या गणवेशात दिसली होती. समोर आलेली ही छायाचित्रे 'सिंघम'च्या सेटवरील आहेत. यामध्ये दीपिका पदुकोण रोहित शेट्टीसोबत शूटिंग करताना दिसली होती. तिचा बेबी बंपही दिसत होता. आता रोहित शेट्टीने स्वतः इंस्टाग्रामवर या शूटची एक झलक पोस्ट केली आहे, ज्यामध्ये दीपिका पदुकोण 'लेडी सिंघम' लूकमध्ये दिसत आहे. या चित्रपटातील दीपिकाच्या पात्राचे नाव शक्ती शेट्टी असणार आहे. रोहित शेट्टीने पोस्ट केलेल्या फोटोमध्ये दीपिका पदुकोण अजय देवगणप्रमाणेच सिंघमची आयकॉनिक ॲक्शन करत आहे.
दीपिकाचा फोटो पोस्ट करताना रोहित शेट्टीने कॅप्शनमध्ये लिहिले की, 'माझा हिरो...रील आणि रिअलमध्ये...लेडी सिंघम.' दीपिकाचा हा लूक पाहून चाहते आपापली प्रतिक्रिया देत आहे.
